Sleep Divorce? 😴 घोरण्यामुळे नातं धोक्यात? 💔 Sleep Problems in Couples

अनेकवेळा जोडीदाराचं घोरणं, त्याची अंथरुणात सुरू असलेली चुळबूळ या गोष्टींमुळे आपल्या पार्टनरला रात्री व्यवस्थित झोप येत नाही. रात्री योग्य झोप मिळाली नाही तर परिणाम दुसऱ्या दिवशी होतो. मग सतत चिडचिड होते. असं बहुतांश लोकांसोबत होतं. पण आता या गोष्टी डिव्होर्स पर्यंत पोहोचू लागल्या आहेत.

मी तुम्हाला ‘स्लिप डिव्होर्स’बाबत माहिती देणार आहे. याचं कारण भारतातल्या 78 टक्के जोडप्यांनी ‘स्लिप डिव्होर्स’ घेतलाय. हे मी म्हणत नाहीये..असं एका सर्व्हेक्षात दिसून आलंय. 

सर्व्हेक्षणात काय समोर आलं?

‘स्लिप डिव्होर्स’ म्हणजे काय? याची माहिती जाणून घेण्याआधी सर्व्हेक्षणातून काय समोर आलं ते आपण जाणून घेऊ. हे सर्व्हेक्षण झोप, ब्रिदींग पॅटर्न यावर फोकस करणाऱ्या रेसमेड या टेक्नॉलॉजी कंपनीकडून करण्यत आलं. 

रेसमेडच्या माहितीनुसार, 

तब्बल 78 टक्के भारतीय काहीवेळा आपल्या पार्टनरसोबत झोपत नाहीत. दोन्ही जोडीदार वेगवेगळ्या खोलीत झोपतात. इत देशांच्या तुलनेत भारतात हे प्रमाण सर्वात जास्त आहे 

32% जोडप्यांनी सांगितलं की, पार्टनरचं घोरणं, झोपेत श्वास घेण्यात येणारी अडचण किंवा मोठ्याने श्वास घेणं यामुळे झोपमोड होेते 

‘स्लिप डिव्होर्स’ म्हणजे काय? 

आपल्याला कळत नाही..पण आपलं घोरणं, मोठ्याने श्वास घेणं यामुळे आपले पार्टनर वैतागले आहेत. स्लिप डिव्होर्स’ म्हणजे घटस्फोट नाही. रात्री शांत झोपण्यासाठी कपल्सनी घेतलेला तात्पुरता निर्णय असं म्हणा हवं तर..किंवा म्हणा झोपेपुरता घेतलेला घटस्फोट…स्लिप फाउंडेशनच्या माहितीनुसार, अनेक कपल्स आपल्या जोडीदारासोबतचे संबंध सुधारण्यासाठी आणि चांगली झोप येण्यासाठी ‘स्लिप डिव्होर्स’ चा पर्याय निवडतात. सोप्या शब्दात ‘स्लिप डिव्होर्स’ म्हणजे दोन्ही पार्टनर्सनी एकच बेडवर झोपण्यापेक्षा वेगवेगळ्या रूममध्ये झोपणं. कुछ घुस रहा है भेजे में? आई बात समझमें…

यामागे बरीच कारणं आहेत, मात्र त्यातलं मुख्य कारण म्हणजे झोपेत घोरणं. या सर्व्हेक्षणात 

20 % महिला कर 11 % पुरूषांनी सांगितलं की त्यांच्या पार्टनरमुळे त्यांची रात्री झोप डिस्टर्ब होते दर 10 कपल्सच्या मागे 2 कपल्स अशी आहेत जे वेगळे झोपतात 

अमेरिकन ॲकॅडमी ऑफ स्लिप मेडिसिनने (एएएसएम) 2023 मध्ये एक अभ्यास केला. यात सहभागी लोकांपैकी एक तृतीयांश लोक असं म्हणाले की, कधीकधी वेगवेगळ्या खोलीत झोपणं चांगल्या झोपेसाठी आवश्यक असतं. 

स्लिप डिव्होर्सचा ट्रेंड जगभरात वाढतोय. 

‘स्लिप डिव्होर्स’ ने फायदा होतो? 

रेसमेडच्या सर्व्हेक्षणात कपल्सकडून मिळालेल्या माहितीनुसार, 65 % लोकांचं म्हणणं आहे की पार्टनरपासून वेगळे झोपल्यामुळे त्यांच्या झोपेत खूप फरक पडला. तर 31 % म्हणतात, वेगळं झोपल्यामुळे त्यांचे संबंध सुधारले आहेत. 

जे कपल्स स्लिप डिव्होर्स करतात त्यांना होणाऱ्या प्रमुख 5 फायद्यांबाबत स्लिप फाउंडेशनच्या सर्व्हेक्षणात माहिती समोर आली.  

झोप डिस्टर्ब होत नाही. झोप व्यवस्थित होते.  

53% लोकांनी सांगितलं की झोपेची क्वालिटी वाढते आणि झोप इंप्रूव्ह होते

37 टक्के लोक म्हणतात आता त्यांना अर्धातास जास्त झोप लागतेे

कपल्सच्या माहितीनुसार यामुळे त्यांच्या संबंधात सुधारणा झाली आहे 

रात्री झोपेत लाथा मारल्यामुळे किंवा इतर कारणांमुळे दुखापत होण्याचा धोका कमी आहे 

क्लिव्हलॅंड क्लिनिकच्या मानसोबचारतज्ज्ञ डॉ. सुसन अलबर्स माहिती देताना सांगतात, झोप ही आपल्या मानसिक आरोग्याचा मूलभूत आधार आहे.” त्यापुढे सागंतात, रिसर्चमध्ये समोर आलंय की आपल्याला योग्य रेस्ट मिळाली की आपण अधिक छान संवाद साधतो आणि आपल्या संबंधात सुधारणा होते. 

डॉक्टर्स सांगतात, जी जोडपी नीट झोपत नाहीत त्यांच्यात मोठे वाद होण्याची शक्यता असते. ते अनेकदा चिडचिड करतात. मात्र काही लोक जेव्हा एकटे झोपतात तेव्हा त्यांची झोप चांगली होते आणि गोष्टीही चांगल्या राहतात 

मग ‘स्लिप डिव्होर्स’चे काही डॉ-बॅक आहेत?

क्लिव्हलॅंड क्लिनिकच्या डॉ. सुसन अलबर्स यांच्या माहितीनुसार, वेगवेगळ्या रूममध्ये झोपल्यामुळे कपल्समध्ये इमोशलन कनेक्शन रहात नाही. त्यांच्यात दुरावा निर्माण होण्यास सुरूवात होते. याचा कपल्सच्या सेक्स लाइफवरसुद्धा परिणाम होतो. मोठ्या महानगरांमध्ये घरं छोटी असतात. अशावेळी वेगळी रूम अजिबात नसते. त्यामुळे हा पर्याय खर्चिकही आहे बरं का..त्यामुळे विचार मनात आला असेल तर…लगेच मीटा हो..भाई…कैसे परवडेगा…

एकटं राहिल्यामुळे खूप लोनली वाटू शकतं आणि मनात नकारात्मकता निर्माण होऊ शकते.  

स्पिप फाउंडेशनच्या माहितीनुसार, स्लिप डिव्होर्समुळे काहींची झोप सुधारली पण सर्व्हेक्षणातील ४० टक्के लोकांनी स्लिप डिव्होर्समुळे त्यांची झोप बिघडल्याचं सांगितलं. त्यामुळे ते लोक पुन्हा एकत्र झोपू लागले. 

‘स्लिप डिव्होर्स’ची चर्चा कधी करावी? 

नवऱ्यामुळे बायकोची किंवा बायकोमुळे नवऱ्याची झोपमोड होतेच. बऱ्याचवेळा आपण याकडे दुर्लक्ष करतो. पण प्रत्येकासोबत असं होतं. त्यामुळे तुम्हाला असं वाटत असेल की माझ्यामुळे बायकोची किंवा नवऱ्याची झोपमोड होतेय. तर तुम्हाला त्यांच्याशी चर्चा करावी लागेल. मग या चर्चेची योग्यवेळ कोणती? क्लिव्हलॅंड क्लिनिकच्या डॉ. सुसन सांगतात, स्लिप सेपरेशन ही गोष्ट चर्चा करण्यासाठी खूप मोठी आहे. पण तुम्ही तुमच्या आणि तुमच्या पार्टनरच्या शरीराचं ऐकलं पाहिजे. झोप पूर्ण होत नसेल, शांत झोप होत नसेल तर यांना रेड फ्लॅग समजावं. आणि यावर दोघांनी मिळून चर्चा केली पाहिजे. तर स्लिप फाउंडेशनच्या माहितीनुसार, तुमच्या पार्टनरमुळे तुमच्या झोपेत खूप अडचण होत असेल ती वेळ स्लिप डिव्होर्सबाबत चर्चा करण्यासाठी योग्यवेळ आहे.

अपुऱ्या झोपेचा महिलांवर काय परिणाम होतो? 

अपुऱ्या झोपेचा सर्वाधिक सामना महिलांना करावा लागतो. त्या आठवड्यात सरासरी केवळ 3.83 रात्री पुरेशी झोप घेतात. हार्मोनलमधील बदल, मासिक पाळी, गर्भधारणा आणि मेनोपॉझ सारख्या समस्यांमुळं त्यांच्या झोपेत आणखी व्यत्यय येतो. 44 टक्के रजोनिवृत्तीच्या महिलांना आठवड्यातून तीन किंवा त्याहून अधिक रात्री झोप न लागण्याचा त्रास होतो. हे प्रमाण नॉन-मेनोपॉझल महिलांच्या 33 टक्के इतके आहे, असं या अहवालात म्हटलं आहे. तणाव, चिंता, आणि आर्थिक दबाव हा महिलांसाठी झोपेच्या अडथळ्यातील मुख्य घटक असल्याचं रेसमेडच्या सर्वेक्षणात आढळून आलं आहे.

Image Source: freepick